Үйлчилгээний нөхцөл

Энэхүү ашиглалтын нөхцөл (цаашид "Нөхцөл" гэх) нь www.opendata.mn нээлттэй мэдээллийн санд хандах, ашиглах, мэдээлэл хайх, татах, түгээхтэй холбоотой эрх, үүрэг, хязгаарлалт тодорхойлно.

Энэхүү цахим хуудсыг ашигласнаар та доорх Нөхцөлийг бүрэн хүлээн зөвшөөрч, дагаж мөрдөхөөр тохиролцсон болно. Хэрэв та эдгээр Нөхцөлтэй санал нийлэхгүй бол энэхүү хуудсанд хандах, мэдээллийг ашиглахгүй байхыг зөвлөж байна. Цахим хуудсанд байрлах өгөгдөл, мэдээлэл нь олон нийтийн ашиглалтын зориулалттай бөгөөд эдгээр өгөгдлийг хууль ёсны дагуу ашиглах, түгээх боломжийг хангахыг зорьсон болно. Гэсэн хэдий ч, мэдээллийг ашиглах үед холбогдох зохих эрх, лиценз, нөхцөлүүдийг анхаарч мөрдөх шаардлагатай бөгөөд үүнд нэмэлт шаардлага, хязгаарлалт байх боломжтойг анхаарна уу. Таны энэхүү сайтад хандах үйлдэл нь эдгээр Нөхцөлтэй зөвшөөрсөн гэсэн утгатай бөгөөд таны эрх, үүрэг, хязгаарлалтуудыг бий болгоно.

1. Өгөгдлийн ашиглалт
   1. Энэхүү цахим хуудсанд байрлах бүх өгөгдөл нь нээлттэй бөгөөд та эдгээр өгөгдлийг хууль ёсны хүрээнд ашиглах, хуулбарлах, түгээх, өөрийн бүтээгдэхүүн, үйлчилгээ болон судалгаа, боловсролын зорилгоор ашиглах эрхтэй.
   2. Та өгөгдлийг ашиглахдаа өгөгдлийн эх сурвалжийг заавал тодорхойлох бөгөөд зохих зохиогчийн эрх, лицензийн нөхцөлийг хүндэтгэх үүрэгтэй.
   3. Өгөгдлийг хууль бус, ёс зүйгүй зорилгоор ашиглах, хуурамч, төөрөгдүүлсэн мэдээлэл тараах, бусдын нэр хүндэд халдах, эрх зөрчих үйлдэл хийхийг хатуу хориглоно.
   4. Та өгөгдлийг ашиглахдаа тухайн мэдээллийн үнэн зөв байдал, бүтэн бүтэн байдлыг баталгаажуулах үүрэгтэй бөгөөд гарч болох аливаа алдаа, дутагдлын төлөө зохиогчид болон үйлчилгээ үзүүлэгчид хариуцлага хүлээлгэх боломжгүйг ойлгож зөвшөөрөх ёстой.
2. Зохиогчийн эрх
   1. Цахим хуудсанд байрлах өгөгдөл, мэдээлэл, программ хангамж, график, дизайн, агуулга зэрэг бүх бүтээл нь Монгол Улсын болон олон улсын зохиогчийн эрхийн хууль тогтоомж, болон холбогдох лицензийн дагуу хамгаалагдана.
   2. Таны энэхүү цахим хуудсыг ашиглах нь танд тухайн өгөгдөл, мэдээлэл дээр зохиогчийн эрх эсвэл бусад өмчийн эрх олгохгүй бөгөөд эдгээр эрхүүд нь тухайн өгөгдөл, мэдээллийг үүсгэн байгуулагч, эрх эзэмшигчид хадгалагдана.
   3. Та www.opendata.mn болон бусад эрх эзэмшигчдийн нэр, лого, барааны тэмдэгтийг зөвшөөрөлгүйгээр ашиглахыг хориглоно.
3. Хариуцлага
   1. Энэхүү сайтаас авсан мэдээллийг ашигласнаас үүдэн гарах аливаа хохирол, алдагдалд тухайн хэрэглэгч өөрөө бүрэн хариуцна.
   2. www.opendata.mn болон бусад холбогдох талууд нь цахим хуудсыг ашиглах, өгөгдөл татах, түгээхтэй холбоотой гарсан аливаа асуудал, алдаа, гэмтэл, тасалдалд хариуцлага хүлээхгүй.
   3. Цахим хуудсанд гарсан техникийн аливаа засвар үйлчилгээ, шинэчлэлт, аюулгүй байдлын арга хэмжээ нь хэрэглэгчийн үйлчилгээ авах боломжийг түр хугацаагаар хязгаарлаж болох бөгөөд үүнд холбогдох талууд ямар ч хариуцлага хүлээхгүй.
4. Мэдээллийн аюулгүй байдал
   1. Бид таны хувийн болон бусад мэдэгдсэн мэдээллийг хамгаалахын тулд шаардлагатай техникийн, зохион байгуулалтын арга хэмжээг авч ажилладаг боловч 100% аюулгүй байдлыг баталгаажуулах боломжгүйг анхаарна уу.
   2. Та цахим хуудсыг ашиглахдаа нууцлал, аюулгүй байдлын хувьд өөрийн хувийн мэдээллээ хамгаалах, нууц үгээ хамгаалах үүрэгтэй.
   3. Хэрэв таны хувийн мэдээлэл аюулгүй байдалд заналхийлсэн эсвэл зөрчигдсөн тохиолдол илэрвэл тухайн асуудлыг холбогдох албан тушаалтанд яаралтай мэдэгдэхийг зөвлөж байна.
   4. Цахим хуудсанд халдах, вирус тараах, бусдын системд зөвшөөрөлгүй нэвтрэх зэрэг аливаа хууль бус үйлдэл хийхийг хориглоно. Үүний эсрэг хууль хяналтын байгууллагад хандаж хууль ёсны арга хэмжээ авах болно.